ផលិតផលកញ្ចក់

កញ្ចក់ហ៊ីតស្រ្តែងថឺនគឺជាកញ្ចក់ដែលទទួលបានពីការយកកញ្ចក់អណ្តែតធម្មតា ទៅបន្ថែមកំដៅ ដោយសំពាធ ឬកំដៅនៃផ្ទៃកញ្ចក់នៅសល់ត្រឹម 3500 PSI ឬតិចជាង 10000 PSI ហើយសំពាធ​ ឬកំដៅនៃគែមកញ្ចក់ខ្លាំងជាង 5500 PSI និងតិចជាង 10000 PSI. កញ្ចក់ហ៊ីតស្រ្តែងថឺន មានកម្លាំងឬសំពាធទាបហើយរឹងមាំ និងខ្លាំងជាងកញ្ចក់អណ្តែតធម្មតាតែពីរដងប៉ុណ្ណោះ។ វាពុំត្រូវបានចាត់បញ្ជូលជាកញ្ចក់សុវត្ថិភាពនោះទេ (ប្រសិនបើប្រើជាកញ្ចក់មួយផ្ទាំង) ដោយសារពេលដែលវាបែក គឺបែកជាផ្ទាំងធំៗ។

• លក្ខណៈពិសេស

1. ខ្លាំងជាង 2 ដងបើប្រៀបទៅនឹងកញ្ចក់ធម្មតា។
2. កម្លាំងពត់កោងខ្លាំង​ ហើយធន់។
3. កញ្ចក់ហ៊ីតស្រ្តែងថឺន អាចផ្តល់នូវភាពធន់ទៅនឹងកម្តៅ។

• កន្លែងប្រើប្រាស់

1. កញ្ចក់ហ៊ីតស្រ្តែងថឺនអាចប្រើប្រាស់នៅកន្លែងដែល មិនមានការចាំបាច់ប្រើប្រាស់នូវកញ្ចក់សុវត្ថិភាព។

• ចំណាំ

1. កញ្ចក់ហ៊ីតស្រ្តែងថឺនមិនអាចខួង កាត់ឬសំលៀងបានឡើយ បន្ទាប់ពីបានផលិត។
2. ត្រូវតែធ្វើការសម្រេចចិត្តចំពោះ ប្រវែង, ទំហំនិងខ្នាតជាមុនដើម្បីធ្វើការផលិត។

កញ្ចក់អ៊ីសូឡង់

កញ្ចក់អ៊ីសូឡង់គឺជាការផ្គួបផ្សំកញ្ចក់ពីរផ្ទាំងដែលបំបែកដោយស៊ុមញ៉ូម និងបញ្ចូលខ្យល់ស្ងួតនៅកណ្តាល​​ហើយបិទជិតដោយកាវកញ្ចក់ ហើយវាជាផលិតផលបន្ថយកំដៅ ទប់សំលេង សន្សំថាមពល និងការពារបរិស្ថាន។

• លក្ខណៈពិសេស

1. កាត់បន្ថយការកើនកម្តៅពីក្រៅ និងក្នុងអគារ
2. ទប់ស្កាត់ការខាប់ជាតិទឹកនៅលើកញ្ចក់
3. ការពារសម្លេង
4. ទប់ស្កាត់មិនឲ្យកាំរស្មី UV ចូលក្នុងអគារ
5. អាចធ្វើជាកញ្ចក់សន្តិរសុខការពារសុវត្ថិភាព អាស្រ័យលើសមាសភាពនៃស្រទាប់កញ្ចក់។

• ប្រើប្រាស់សម្រាប់

1. សម្រាប់អគារដែលមានតម្រូវការខ្ពស់ក្នុងការរក្សាសីតុណ្ហភាព ការពារសម្លេង សម្រាប់អគារខ្ពស់ៗ សណ្ឋាគារ​ និងអគារពាណិជ្ជកម្ម។ ល។

កញ្ចក់តែមពើ

កញ្ចក់តែមពើ គឺជាកញ្ចក់ដែលទទួលបានពីការយកកញ្ចក់អណ្តែតធម្មតា ទៅកំដៅរហូតដល់កញ្ជក់ទន់​ (ប្រមាណ 700 ˚C) បន្ទាប់មកទំលាក់កំដៅកញ្ចក់ឲ្យត្រជាក់យ៉ាងឆាប់រហ័សក្នុងរយៈពេលដ៏ខ្លី​ ដែលជាលទ្ធិផលកញ្ចក់នៅសល់សំពាធខ្ពស់កំលាំងខ្លាំងលើស​ពី 10,000 PSI ឬសំពាធនៃគែមកញ្ចក់លើសពី 9,700 PSI ។

កញ្ចក់តែមពើ CSSG គឺជាប្រភេទកញ្ចក់សុវត្ថិភាពដែលត្រូវបានសាកល្បងពិសោធន៍ដោយ TUV-Rheinland​ ដែលតម្រូវទៅតាមស្តង់ដារ ANSI 97.1, BS 6206 និង AN/NZS 2208។

• លក្ខណៈពិសេស

1. កញ្ចក់តែមពើខ្លាំងជាងកញ្ចក់ធម្មតាទៅដល់ 4 ទៅ 6​ ដង។
2. ជៀសវាងការ​រងរបួសធ្ងន់ធ្ងរ ពីព្រោះកញ្ចក់នឹងបែកទៅជាគ្រាប់តូចៗ ហើយមានរាងមូល ។
3. កញ្ជក់តែមពើអាចការពារកម្តៅបានទៅ 3​ ដងខ្លាំងជាងកញ្ជក់ធម្មតា។
4. ងាយស្រួលនឹងការសម្អាតប្រសិនបើមាន​ការបាក់បែក។

• កន្លែងប្រើប្រាស់

1. សម្រាប់ដេគ័រ​​ និងគ្រឿងសង្ហារឹម
2. សម្រាប់បង្អួចយានយន្ត
3. ទ្វារតែមពើដែលគ្មានស៊ុំជុំវិញ
4. បង្កាន់ដៃជណ្តើរ
5. ជណ្តើរយន្ត
6. ទ្វារបន្ទប់ទឹក