ផលិតផល

កញ្ចក់ហ៊ីតស្រ្តែងថឺនគឺជាកញ្ចក់ដែលទទួលបានពីការយកកញ្ចក់អណ្តែតធម្មតា ទៅបន្ថែមកំដៅ ដោយសំពាធ ឬកំដៅនៃផ្ទៃកញ្ចក់នៅសល់ត្រឹម 3500 PSI ឬតិចជាង 10000 PSI ហើយសំពាធ​ ឬកំដៅនៃគែមកញ្ចក់ខ្លាំងជាង 5500 PSI និងតិចជាង 10000 PSI. កញ្ចក់ហ៊ីតស្រ្តែងថឺន មានកម្លាំងឬសំពាធទាបហើយរឹងមាំ និងខ្លាំងជាងកញ្ចក់អណ្តែតធម្មតាតែពីរដងប៉ុណ្ណោះ។ វាពុំត្រូវបានចាត់បញ្ជូលជាកញ្ចក់សុវត្ថិភាពនោះទេ (ប្រសិនបើប្រើជាកញ្ចក់មួយផ្ទាំង) ដោយសារពេលដែលវាបែក គឺបែកជាផ្ទាំងធំៗ។

• លក្ខណៈពិសេស

1. ខ្លាំងជាង 2 ដងបើប្រៀបទៅនឹងកញ្ចក់ធម្មតា។
2. កម្លាំងពត់កោងខ្លាំង​ ហើយធន់។
3. កញ្ចក់ហ៊ីតស្រ្តែងថឺន អាចផ្តល់នូវភាពធន់ទៅនឹងកម្តៅ។

• កន្លែងប្រើប្រាស់

1. កញ្ចក់ហ៊ីតស្រ្តែងថឺនអាចប្រើប្រាស់នៅកន្លែងដែល មិនមានការចាំបាច់ប្រើប្រាស់នូវកញ្ចក់សុវត្ថិភាព។

• ចំណាំ

1. កញ្ចក់ហ៊ីតស្រ្តែងថឺនមិនអាចខួង កាត់ឬសំលៀងបានឡើយ បន្ទាប់ពីបានផលិត។
2. ត្រូវតែធ្វើការសម្រេចចិត្តចំពោះ ប្រវែង, ទំហំនិងខ្នាតជាមុនដើម្បីធ្វើការផលិត។

កញ្ចក់អ៊ីសូឡង់

កញ្ចក់អ៊ីសូឡង់គឺជាការផ្គួបផ្សំកញ្ចក់ពីរផ្ទាំងដែលបំបែកដោយស៊ុមញ៉ូម និងបញ្ចូលខ្យល់ស្ងួតនៅកណ្តាល​​ហើយបិទជិតដោយកាវកញ្ចក់ ហើយវាជាផលិតផលបន្ថយកំដៅ ទប់សំលេង សន្សំថាមពល និងការពារបរិស្ថាន។

• លក្ខណៈពិសេស

1. កាត់បន្ថយការកើនកម្តៅពីក្រៅ និងក្នុងអគារ
2. ទប់ស្កាត់ការខាប់ជាតិទឹកនៅលើកញ្ចក់
3. ការពារសម្លេង
4. ទប់ស្កាត់មិនឲ្យកាំរស្មី UV ចូលក្នុងអគារ
5. អាចធ្វើជាកញ្ចក់សន្តិរសុខការពារសុវត្ថិភាព អាស្រ័យលើសមាសភាពនៃស្រទាប់កញ្ចក់។

• ប្រើប្រាស់សម្រាប់

1. សម្រាប់អគារដែលមានតម្រូវការខ្ពស់ក្នុងការរក្សាសីតុណ្ហភាព ការពារសម្លេង សម្រាប់អគារខ្ពស់ៗ សណ្ឋាគារ​ និងអគារពាណិជ្ជកម្ម។ ល។

កញ្ចក់ឡាមីណែត គឺជាកញ្ជក់ដែលផលិតឡើងដោយការបិទជាប់គ្នារវាងកញ្ចក់ពីរផ្ទាំង ឬច្រើនផ្ទាំងចូលគ្នាដោយប្រើប្រាស់សន្លឹកកាវរឹង​ Polyvinyl Butyral (PVB) ក្រោមកម្តៅ និងសំពាធហើយបង្កើតជាកញ្ចក់តែមួយ។ កាវ PVB ដែលប្រើប្រាស់សម្រាប់បិទកញ្ជក់គឺមានលក្ខណៈថ្លា។​ បន្ថែមពីលើនេះ កញ្ចក់សុវត្ថិភាពឡាមីណែតអាចធន់នឹងកម្តៅ​ និងសំណើម ។ កាវ PVB ក៏មិនឡើងពង​ ឬធ្វើការការប៉ះពាល់ដល់រូបរាងនៃផ្ទៃកញ្ចក់ដែរ។

កញ្ចក់ឡាមីណែត គឺជាប្រភេទកញ្ចក់សុវត្ថិភាពដែលត្រូវបានសាកល្បងពិសោធន៍ដោយ TUV-Rheinland​ ដែលតម្រូវទៅតាមស្តង់ដារ ANSI 97.1, BS 6206 និង AN/NZS 2208។

• លក្ខណៈពិសេស

1. ប្រសិនបើមានការបាក់បែក បំបែកកញ្ចក់នៅតែស្អិតជាប់ជាមួយកាវជានិច្ច, ដូច្នេះការពារមិនឲ្យមានការរងរបួសធ្ងន់ធ្ងរណាមួយទេ
2. ការពារមិនឲ្យមានការវាយប្រហារពីខាងក្រៅ
3. កញ្ចក់ឡាមីណែត​មានកម្លាំងខ្លាំងខ្លា និងការពារមិនឲ្យធ្លាក់
4. ការពារកាំរស្មី​ UV បានទៅដល់ 98%
5. ការពារគ្រាប់កាំភ្លើង, ជាតិផ្ទុះ និងខ្យល់ព្យុះ
6. ការពារសម្លេង
7. កាត់បន្ថយកម្តៅព្រះអាទិត្យនិងកាត់បន្ថយការចំណាយលើម៉ាស៊ីនត្រជាក់
8. កញ្ចក់ឡាមីណែតធន់ និងអាចរក្សាទុកបានពណ៍ដ៏ល្អ
9. មានភាពងាយស្រួលក្នុងការតំឡើង
10. មានតម្លាភាព និងអាចមើលឃើញច្បាស់។